Մուտքի արտոնագիր
Հայաստանի Հանրապետության այն քաղաքացիները, ովքեր ցանկանում են մուտքի արտոնագիր ստանալ Poland.Business Harbour ծրագրի շրջանակում, ենթակա են արտոնագրային պարզեցված ընթացակարգի:
Պահանջվող փաստաթղթերը.
- ազգային տեսակի մուտքի արտոնագրի համար լրացված և ստորագրված դիմում հայտ,
- ակտուալ կենսաչափական լուսանկար,
- անձնագիր` տրված վերջին 10 տարիների ընթացքում: Անձնագիրը նախատեսված այցից հետո առնվազն 3 ամիս պետք է ուժի մեջ լինի, ինչպես նաև ունենա մուտքի արտոնագրերի համար նախատեսված առնվազն 2 դատարկ էջ։
- մուտքի արտոնագրի վավերականության ժամկետով բժշկական ապահովագրություն (նվազագույնը 30 000 եվրո ապահովագրավճարով),
- ուղևորության նպատակը հաստատող փաստաթղթեր.
- Ֆրիլանսեր լինելու դեպքում` համագործակցության հրավեր այն գործընկեր ընկերությունների կողմից, որի տվյալները կարելի է գտնել Poland.Business Harbour ծրագրի կայքէջում, ինչպես նաև տեխնիկական կրթությունը հաստատող փաստաթուղթ կամ առնվազն մեկ տարվա փորձ ՏՏ ոլորտում,
- Ստարտափ ստեղծելու դեպքում` փաստաթուղթ, որը հաստատում է ծրագրին մասնակցելու համապատասխանելիությունը Լեհաստանի ներդրումների և առևտրի գործակալության կողմից,
- փոքր / միջին / խոշոր ձեռնարկություն ունենալու դեպքում` Լեհաստանի ներդրումների և առևտրի գործակալության կողմից ծրագրին մասնակցելու համապատասխանելիությունը հաստատող փաստաթուղթ:
Մանրամասն տեղեկություն, ինչպես նաև դիմում-հայտի օրինակը կարող ես գտնել Երևանում Լեհաստանի դեսպանության կայքէջում: