Парадак атрымання віз грамадзянамі Рэспублікі Беларусь
28.08.2020
Калі вы грамадзянін Беларусі і знаходзіцеся ў Беларусі, але з-за цяперашняй сітуацыі ў краіне хочаце атрымаць візу, якая дае права на ўезд у Польшчу з гуманітарнымі мэтамі, вам неабходна:
- звязацца па тэлефоне альбо электроннай пошце з адным з консульстваў Польшчы ў Беларусі:
• Консульскі аддзел Рэспублікі Польшча ў Рэспубліцы Беларусь – тэл.: +375 17 388 52 49, e-mail: minsk.wk.wizy@msz.gov.pl, альбо
• Генеральнае консульства Рэспублікі Польшча ў г. Брэсце – тэл.: +375 162 27 00 49, e-mail: visabrest@msz.gov.pl, альбо
• Генеральнае консульства Рэспублікі Польшча ў г. Гродна – тэл.: +375 152 73 10 49, e-mail: grodno.kg.wiza@msz.gov.pl
Консульства праінструктуе вас, куды падаць візавую анкету. Неабходную інфармацыю можна таксама атрымаць у любым візавым цэнтры:
https://www.vfsglobal.com/poland/belarus/
- візавую анкету можна будзе падаць непасрэдна ў консульстве альбо ў адным з візавых цэнтраў на тэрыторыі Беларусі. Візавую анкету можна будзе таксама даслаць па пошце (на адрас, які вы атрымаеце).
- для атрымання візы неабходна падаць наступныя дакументы: запоўненую і падпісаную візавую анкету с фотаздымкам; сапраўдны пашпарт, выдадзены на працягу апошніх 10 год, у якім ёсць дзве свабодныя старонкі, тэрмін дзеяння якога заканчваецца не раней, чым праз 3 месяцы пасля заканчэння тэрміну дзеяння візы; медыцынскую страхоўку на тэрмін, на які вы хочаце атрымаць візу, а таксама пісьмовую заяву аб жаданні атрымаць візу ў Польшчу. Пры падачы дакументаў вас паінфармуюць, калі і якім чынам вы зможаце забраць пашпарт.
- пасля падачы візавай анкеты консульства разгледзіць яе ў максімальна кароткі тэрмін. Калі рашэнне консула будзе станоўчым, вы атрымаеце нацыянальную візу (гуманітарныя мэты) тэрмінам максімум да 1 года.
- віза бясплатная. Калі вы будзеце падаваць дакументы ў візавым цэнтры, вам неабходна будзе аплаціць паслугі цэнтра – суму ў памеры 11 еўра.
Калі ў вас ёсць дакументы, якія даюць права распачаць працу ў Польшчы альбо навучанне ў ВНУ ці іншыя формы навучання ў Польшчы, альбо ў вас ёсць карта паляка, вам неабходна падаваць дакументы на атрыманне візы ў адпаведнасці з гэтымі мэтамі. Візавую анкету можна падаць згодна з вышэйзгаданай працэдурай.