აგვისტოს ხელშეკრულებების ხელმოწერისა და დამოუკიდებელი თვითმმართველი პროფკავშირის, "სოლიდარობის" დაბადების მე-40 წლისთავი
31.08.2020
31 აგვისტოს, აგვისტოს შეთანხმებების ხელმოწერისა და დამოუკიდებელი თვითმმართველი პროფკავშირის, "სოლიდარობის" დაბადების მე-40 წლისთავს აღვნიშნავთ - მოვლენას, რომელმაც კომუნიზმის დაცემასა და ცივი ომის დასრულებას შეუწყო ხელი.
ეს ყველაფერი არ მოხდებოდა მილიონობით პოლონელის მონაწილეობისა და აქტიური ჩართულობის გარეშე. მათ გაბედეს და წინააღმდეგობა გაუწიეს დამონებულ სამშობლოში გაბატონებულ უსამართლობას და "სოლიდარობის" მოძრაობა ჩამოაყალიბეს. ამ მასობრივ სამოქალაქო მოძრაობას, რომლის მეშვეობითაც პოლონელებმა საკუთარი აზრის გამოხატვა და ქვეყნის ბედზე პასუხისმგებლობის აღება გადაწყვიტეს, ევროპაში ანალოგი არ ჰყავდა.
დღემდე, სწორედ ”სოლიდარობის გენი” უბიძგებს პოლონეთს, დაეხმაროს სხვა გაჭირვებულ ქვეყნებს. სოლიდარობა ვლინდება, როგორც განვითარების, ისე ჰუმანიტარული დახმარების ფორმით (ბოლო პერიოდში COVID-19 პანდემიის ფონზე). ტრანსფორმაციის პროცესში სხვა ქვეყნების მხარდაჭერა, განსაკუთრებით აღმოსავლეთ პარტნიორობის ქვეყნებსა და დასავლეთ ბალკანეთში. ასევე, მონაწილეობა ევროკავშირში, ეუთო-ში, ნატოსა და სხვა საერთაშორისო ორგანიზაციების სამშვიდობო და სამხედრო მისიებში. ამ განსაკუთრებული თარიღის გახსენებისას, პოლონეთი უერთდება ყველა ქვეყანას, რომელიც მიისწრაფვის თავისუფლებისა და დემოკრატიისკენ.
წინამდებარე ბმულზე იხილეთ საგარეო საქმეთა სამინისტროს მიერ მომზადებული გამოფენა.
საგარეო საქმეთა სამინისტროს პრესამსახური.