Kuonyesha hati ya Ambassador of Remembrance kwa Wanafunzi wa Chuo Kikuu cha Dar es Salaam chuo cha Elimu
10.02.2025
Katika kuadhimisha miaka 80 ya ukombozi wa Auschwitz na Siku ya Kimataifa ya Kumbukumbu ya Miaka 20 ya Maangamizi ya Wayahudi, Ubalozi wa Jamhuri ya Poland jijini Dar es Salaam, kwa kushirikiana na Chuo Kikuu cha Dar es Salaam, uliandaa onyesho la filamu ya Ambassador of remembrance, iliyoongozwa na Magdalena Żelasko.
Kuoyeshwa kwa filamu hiyo kulilenga hasa wanafunzi na wafanyakazi wa Chuo Kikuu cha Elimu cha Dar es Salaam. Watazamaji walipata fursa ya kusikia ushuhuda wenye kusisimua wa Bw. Stanisław Zalewski, ambaye—kama wahanga wengine wengi wa ugaidi wa Wanazi—alinyamaza kwa miaka mingi kuhusu mambo yenye kuhuzunisha. Ilikuwa tu baada ya miaka arobaini ndipo aliamua kuyafichua. Leo, akiwa na umri wa miaka 99, anaendelea kushiriki hadithi yake, akicheza nafasi ya ajabu ya "Ambassador of Remembrance." Filamu ya Magdalena Żelasko, kwa mara ya kwanza, imemwezesha kufikia hadhira pana na ujumbe wake—sasa pia katika Afrika.
Akiwa na umri wa miaka 17, mnamo Septemba 1943, Bw. Stanisław Zalewski alikamatwa huko Warsaw kwa kujihusisha na harakati za upinzani za Poland. Kisha alisafirishwa hadi kwenye kambi ya mateso ya Wanazi ya Ujerumani na kambi ya maangamizi ya Auschwitz-Birkenau, ambako alilazimishwa kufanya kazi. Baadaye, alihamishiwa kwenye kambi za Mauthausen na Gusen I na II, ambapo wafungwa walinyonywa kwa kulazimishwa kufanya kazi kwenye viwanda vya vita vya wajeruman katika hali mbaya sana ya kikatili.
Kuonyeshwa kwa filamu hiyo ilipokea jibu chanya kutoka kwa watazamaji. Baada ya filamu, washiriki walipata fursa ya kuuliza maswali, wakionyesha nia yao katika hadithi iliyotolewa na umuhimu wake katika mazingira ya changamoto za kisasa zinazohusiana na kumbukumbu ya kihistoria.
Kama sehemu ya tukio, pia tuliwasilisha onyesho la The Europe We Share, likionyesha maadili yanayounganisha Polandi na jumuiya ya Ulaya.
