Kuwasaidia Viongozi Vijana wa Kilimo-Biashara Mkoani Mwanza kupitia msaada wa Polish aid
27.10.2025
Mradi wa AgriInnovate Tanzania, unaofadhiliwa kupitia msaada wa Polish aid, ulilenga kukuza mbinu bunifu ya kilimo na maendeleo ya biashara ya kilimo miongoni mwa vijana wa Kitanzania.
Mradi wa AgriInnovate Tanzania ulitekelezwa kwa kuzingatia vijana wenye nia ya kuendeleza shughuli za biashara katika sekta ya kilimo na chakula. Mpango huo ulilenga kujenga biashara ya vitendo na ujuzi wa kidijitali unaohitajika kuendesha biashara za kisasa na za ushindani katika kilimo, kwa kutilia mkazo uvumbuzi katika kilimo, mbinu za biashara zinazowajibika kijamii, na uanzishwaji wa makampuni mapya.
Mafunzo hayo yaliofadhiliwa kupitia msaada wa Polish aid, yaliendeshwa kati ya Agosti na Septemba 2025 na Umoja wa Vijana Tanzania (TYC) kwa kushirikiana na Unsung Heroes Poland Foundation. Kama sehemu ya mradi huo, wanafunzi 90 na wajasiriamali wadogo kutoka sekta ya kilimo walipata biashara mpya na ujuzi wa kidijitali, kuimarisha uwezo wao wa kutekeleza ufumbuzi wa ubunifu na kuendeleza mipango ya ujasiriamali ndani ya jumuiya za mitaa.
Sehemu muhimu wa mradi ulikuwa ni vikao vya ushauri, ambapo washiriki walipata fursa ya kufanya kazi na wataalamu kutoka nchi mbalimbali, wenye uzoefu mkubwa katika ujasiriamali, huduma za ushauri, kazi za kijamii, shughuli za kibinadamu, na ushirikiano wa maendeleo. Ubadilishanaji wa maarifa na utendaji mzuri ziliwawezesha washiriki kujiandaa vyema kakita kukabiliana na changamoto zinazohusiana na uendeshaji katika sekta ya kilimo cha chakula.
Mradi huu ulihitimishwa kwa mahafali iliyofanyika tarehe 25 Oktoba 2025 Ilemela mkoani Mwanza. Hafla hiyo ilihudhuriwa na Bw Jakub Trzciński, Naibu Konseli na mwakilishi wa Ubalozi wa Jamhuri ya Poland jijini Dar es Salaam, ambaye alisisitiza umuhimu wa mradi huo kwa maendeleo ya ujasiriamali wa vijana nchini Tanzania, eneo muhimu ya ushirikiano wa kimaendeleo kati ya Poland na Tanzania.
