Maonesho ya "JUICE Tanzania" ya Mickey Wyrozebski
08.12.2025
Tarehe 6 Desemba, maonesho ya "JUICE Tanzania" yaliyoandaliwa na mtaalamu wa upigaji picha kutoka Poland, Mickey Wyrozębski yalifunguliwa rasmi katika Nafasi Art Space, Dar es Salaam. Ufunguzi hiyo ilifanyika chini ya Udhamini wa Heshima wa Ubalozi wa Jamhuri ya Poland jijini Dar es Salaam.
Katika ufunguzi wa maonesho hayo, ambayo yalikusanya wawakilishi kutoka sekta za sanaa, kidiplomasia, pamoja na Wapoland wanaoishi Tanzania, Chargé d'Affaires, Sergiusz Wolski, alisisitiza umuhimu wa tukio hili katika kuimarisha ubadilishanaji wa kiutamaduni kati ya Poland na Tanzania.
Mickey Wyrozębski ni mpiga picha kutoka Poland anayejulikana kwa kazi za picha za watu na kimatukio. Kazi yake inazingatia kuonesha hadithi za kibinadamu na tamaduni kutoka maeneo mbalimbali duniani.
"JUICE Tanzania" ni sehemu ya mzunguko wa kimataifa wa maonesho, yanayowasilishwa katika mabara saba. Toleo hili la Tanzania linajumuisha ushirikiano na mwigizaji kutoka Poland, Marieta Żukowska, na mrembo kutoka Tanzania, Hilary Tabra. Maonesho hayo yalifanywa kuwa ya kipekee kwa muziki wa DJ Seche kutoka Tanzania, na michango ya vitafunio kutoka duka la mikate maarufu kutoka Poland, Lukullus.
Maonesho yataendelea kuwa wazi kwa hadhira hadi mwisho wa Desemba 2025 Nafasi Art Space, Dar es Salaam. Tunawakaribisha wapenzi wa sanaa ya picha kutembelea!
