Қазақстан-Полония саяси консультациялары
30.01.2026
2026 жылғы 29 қаңтарда Астана қаласында Қазақстан Республикасының Сыртқы істер министрі Ермек Көшербаев Полония Сыртқы істер министрінің орынбасары Войцех Зайончковскийді қабылдады. Содан кейін Қазақстан атынан саяси консультацияларға ҚР СІМ орынбасары Арман Исетов қатысты.
Кездесу барысында саяси, сауда-экономикалық, инвестициялық, мәдени және гуманитарлық ынтымақтастық, сондай-ақ 2026 жылға арналған екіжақты іс-шаралар кестесі талқыланды.
Қазақстан Республикасының Сыртқы істер министрі Ермек Көшербаев Қазақстан мен Полония арасындағы 34 жылдық дипломатиялық қарым-қатынасты атап өтті. Оған өз кезегінде Полония Сыртқы істер министрінің орынбасары Войцех Зайончковский Қазақстанның Орталық Азиядағы Полония үшін негізгі серіктес екенін баса айтты және Варшаваның екіжақты ынтымақтастықты одан әрі нығайтуға деген міндеттемесін растады.
Екі тарап Қазақстан мен Полония арасындағы жан-жақты ынтымақтастықты күшейтуге бағытталған мазмұнды диалогты жалғастыруға мүдделі екенін білдірді.
