Польшча ў Беларусі

Пасол Артур Міхальскі падчас цырымоніі сказаў:

"Нам давялося жыць у няпросты час. Пагроза, з якой мы змагаемся, пагроза каранавіруса не ведае межаў, не выбірае таго альбо іншага чалавека, таго альбо іншага народа, яна не накіравана кімсьці супраць кагосьці, проста гэта здарылася з намі ўсімі. Яна не ведае межаў. Яна прыносіць пакуты, а часам нават смерць. Барацьба з гэтай пагрозай патрабуе салідарнасці, асабліва салідарнасці суседзяў. У Польшчы мы таксама адчуваем занепакоенасць і боль, якія выпалі на долю грамадзян многіх краін, таксама на долю грамадзян Беларусі. Мы дзелімся тым, што змаглі сабраць: антысептычнымі сродкамі, сродкамі дэзынфекцыі, сродкамі індывідуальнай аховы, лекамі. Частка гэтага груза была выгружана ў Гродна, другая частка прыехала ў Мінск. Мы спадзяёмся, што гэтыя сродкі дапамогуць адважным, ахвярным беларускім дактарам у цяжкай барацьбе, якую яны вядуць з рызыкай для ўласнага здароўя і жыцця. Я спадзяюся, што гэтыя сродкі дапамогуць, каб менш людзей захварэла, а больш хворых паправілася. Мы суседзі Беларусі, мы стараемся быць добрым суседам, на якога можна разлічваць, і калі свеціць сонца, і калі ідзе дождж, у здароўі і хваробе. Хачу падзякаваць Міністэрству замежных спраў, Міністэрству аховы здароўя, Міністэрству па надзвычайных сітуацыях, іншым беларускім службам за цеснае супрацоўніцтва, якое прычынілася да таго, што пачуццё салідарнасці, якое дае нам сілы і надзею, сёння з’яўляецца нашым агульным досведам. Досведам, які будуе пачуццё суседскай супольнасці. Дзякуй."