Poland.Business Harbour

Польшча ўжо больш за 30 год будуе дэмакратычную, свабодна-рыначную эканамічную гавань для актыўных, энергічных людзей. Мы 6-я па велічыні эканоміка Еўрапейскага саюза, краіна, эканоміка якой з 1990 г. вырасла ў 9 разоў, таму мы дасканала ведаем, як развіваць бізнес і разганяць эканоміку дзякуючы разнастайнасці талентаў. Сёння, як бяспечная бізнес-гавань, Польшча хоча падзяліцца сваімі поспехамі з беларусамі, распачынаючы праграму Poland. Business Harbour. Пад гэтай назвай хаваецца набор інструментаў і паслуг, якія дапаўняюць адзін аднаго, дапамагаюць фарміраванню поспеху беларусаў на тэрыторыі Польшчы, які абапіраецца на веды, сучасныя стандарты і цесныя гандлёвыя кантакты з суседзямі і светам.

Важна дапамагаць тым, хто хоча развівацца, у т.л. маладым беларускім прадпрымальнікам. Падаць руку дапамогі беларусам – гэта таксама ў сённяшняй сітауацыі наш маральны абавязак, – кажа намеснік прэм'ер-міністра Ядвіга Эмілевіч.

Праграма Poland. Business Harbour – гэта комплекс паслуг, які дазваляе спецыялістам IT-сферы, стартапам, малым і сярэднім прадпрыемствам, а таксама буйным кампаніям без праблем пераехаць у Польшчу. Каардынуе праграму Міністэрства развіцця і Польскае агенцтва інвестыцый і гандлю разам з GovTech Polska і Канцылярыяй Старшыні Савета Міністраў, Міністэрствам замежных спраў, Польскім агенцтвам развіцця прадпрымальніцтва і фондам Startup Hub Poland.

Дзякуючы пакету паслуг можна даведацца, як хутка і аператыўна пачаць працу на тэрыторыі Польшчы, атрымаць падтрымку пры пераездзе супрацоўнікаў і іх сем'яў альбо атрымаць юрыдычную і візавую дапамогу ў фармаце «business concierge». Акрамя таго, фізічныя асобы і кампаніі з Беларусі могуць разлічваць на дапамогу ў кантактах з органамі самакіравання і спецыяльнымі эканамічнымі зонамі, якія актыўна далучыліся да падрыхтоўкі прапаноў для супрацоўнікаў, якія пераязджаюць, і іх сем'яў, ствараючы часовую офісную і жылую прастору. Адным з элементаў дапамогі з'яўляецца падтрымка прадпрымальнікаў у кантактах з інвестарамі, а таксама гранты на дзейнасць B+R.

Бяспека, патэнцыял для развіцця ва ўмовах стабільнай эканомікі і надзейныя партнёры – усё гэта беларускія прадпрымальнікі знойдуць у Польшчы. Польскае агенцтва інвестыцый і гандлю забяспечыць ім хутчэйшую адаптацыю. Гэта, перш за ўсё, інфармацыйная і каардынацыйная падтрымка працэсу пераезду, а таксама кансалтынг, – кажа Гражына Цюжынская, старшыня Польскага агенцтва інвестыцый і гандлю.

Фізічныя асобы, у якіх ёсць інжынерная адукацыя альбо вопыт працы ў IT-сферы, змогуць скарыстацца паскоранай працэдурай атрымання віз. Акрамя таго, некалькі дзясяткаў кампаній па ўсёй Польшчы падрыхтавалі для тых, хто прыедзе, спецыяльныя прапановы працаўладкавання, спалучаныя з паскоранай працэдурай атрымання віз. Спіс кампаній адкрыты – запрашаем кампаніі IT-сферы, якія хочуць далучыцца да праграмы, запоўніць анкету па спасылцы. У праекце ўдзельнічаюць Software Development Association Poland (SODA) і Польская палата інфарматыкі і телекамунікацый (ППІТ).

Асаблівай падзякі заслугоўваюць польскія тэхналагічныя кампаніі, што прымаюць удзел у праекце, якія пераносяць традыцыйную гасціннасць у лічбавы свет. Такі шырокі водгук радуе не толькі таму, што гэта паказвае – польскія кампаніі заўсёды падтрымаюць у патрэбе, але і таму, што яны адначасова падтрымліваюць польскую эканоміку, – гаворыць Юсціна Арлоўская, упаўнаважаная Старшыні Савета Міністраў па справах GovTech.

У рамках праграмы працуе таксама спецыяльная тэлефонная лінія +48 22 70-343-70, даступная з панядзелка па пятніцу 24 гадзіны ў суткі, на рускай і англійскай мовах. Беларусы могуць таксама задаваць пытанні па электроннай пошце:
paih24_by@paih.gov.pl

Працуе спецыяльная тэлефонная лінія:

• Інфармацыя на рускай, англійскай і польскай мовах аб падтрымцы для беларускіх прадпрымальнікаў і іх сем'яў (што, дзе, як, калі)
• Прызначэнне апекуна, які будзе падтрымліваць вас на працягу ўсяго працэсу пераезду

тел.: +48 22 334 99 77 (з 8.00 да 16.00, 5 дзён на тыдзень)
Email: pbh@paih.gov.pl