Полска во Северна Македонија

Ополномоштен Министер Мариуш Бримора учествуваше на конференција организирана од Стопанската комора на Скопје и Институтот за стратешки иницијативи и политики, на тема: „Коридорите – геостратешки предуслов за економски просперитет и важен дел од безбедносната архитектура на Југоисточна Европа“.

На 9 април годинава, министерот-полномошник Мариуш Бримора учествуваше на оваа конференција, чиј главен фокус беше Иницијативата „Три Мориња“ (3SI) како важен фактор за развојот и безбедноста на Југоисточна Европа. Настанот беше особено значаен бидејќи Северна Македонија работи на приклучување кон иницијативата како придружна земја.

На конференцијата присуствуваа околу 50 претставници од државните институции и бизнис-заедницата. Еден од главните говорници беше Александар Николоски, вицепремиер и министер за транспорт. Тој истакна дека приклучувањето кон „Три Мориња“ е од големо стратешко значење за Северна Македонија, особено за развојот на транспортната инфраструктура. Притоа ги спомена коридорите 8 и 10 како клучни проекти што ќе ја подобрат поврзаноста и ќе ја зајакнат геостратешката позиција на земјата.

Во своето обраќање, Ополномоштен Министер Мариуш Бримора ги претстави главните цели на Иницијативата „Три Мориња“, нагласувајќи ја нејзината важност за економскиот развој во услови на геополитички промени и нови безбедносни предизвици во Европа. Тој исто така изрази поддршка од Полска за приклучувањето на Северна Македонија, оценувајќи дека тоа би било значаен чекор кон понатамошна интеграција во Европската Унија.