Полска во Северна Македонија

На 20 април, за првпат го одбележавме Денот на полско-француското пријателство — празник воспоставен со Договорот за засилена соработка и пријателство, потпишан на 9 мај 2025 година во Нанси.

Овој датум не е случаен — го одбележува пренесувањето на посмртните останки на Марија Склодовска-Кири и Пјер Кири во Пантеонот во Париз, нагласувајќи го исклучителното заедничко научно и културно наследство на Полска и Франција.

По тој повод, заедно со Амбасадата на Франција во Скопје организиравме посебен настан во Скопје — проекција на филмот „Марија Склодовска-Кири: Храброста на знаењето“, во режија на Мари Ноел. Настанот беше отворен со обраќања на Амбасадорот Кристоф Ле Риголер и Ополномоштен Министер Мариуш Бримора, кои ја истакнаа важноста на долгогодишната полско-француска соработка и нејзиниот понатамошен развој.

Настанот се одржа во Europe House Скопје, во соработка со Амбасадата на Франција и Францускиот институт во Скопје.