Полска во Северна Македонија

На 28 април оваа година, Заменик Амбасадор, Ана Каспжак, и Амбасадорот на Австрија, Мартин Памер, учествуваа во дебата чија цел беше да се доближат перспективите на Европската Унија до локалните заедници.

Дискусијата се одвиваше во неформална атмосфера, а беа опфатени клучни теми како што се: човекови права, култура, различност и идентитет - темели и на националните општества, и на заедничкиот европски проект.

Преку отворен дијалог и размена на искуства, учесниците имаа можност подобро да разберат како овие вредности се применуваат и се штитат во различни контексти.

Настанот претставуваше одлична можност за зајакнување на меѓусебното разбирање и за размена на практични идеи. „Кафе со амбасадори“ продолжува да ја остварува својата мисија — да ги поврзува локалните чинители со претставници на земјите-членки на ЕУ и да ги промовира соработката и европските вредности.