Полска во Северна Македонија

Шефовите на дипломатските претставништва на Полска, Франција и Германија ја одбележаа 35-годишнината од основањето на Вајмарскиот триаголник со заеднички текст објавен во македонскиот дневен печат.

Во текстот се потсетува на создавањето и развојот на оваа иницијатива, а особено се истакнува заедничката одговорност за иднината на Европа. Се нагласува потребата од солидарно и координирано дејствување на европските земји, вклучително и на земјите од Западен Балкан.

Посебно внимание е посветено на значењето на добрососедските односи и на европската интеграција, особено во време на војна на европскиот континент, хибридни закани, дезинформациски кампањи и сè поголема геополитичка неизвесност.