ИНФОРМАЦИЈА ЗА ПРАВИЛАТА НА ПОДНЕСУВАЊЕ БАРАЊЕ ЗА ВРАЌАЊЕ НА ПЛАТЕНА ШКОЛАРИНА ВО СЛУЧАЈ НА НЕДОБИВАЊЕ ВИЗА ЗА ВЛЕЗ ВО ПОЛСКА СО ЦЕЛ ЗАПОЧНУВАЊЕ ИЛИ ПРОДОЛЖУВАЊЕ НА СТУДИИ
23.08.2021
Условите за наплата на надоместоците за образовните услуги од страна на јавните факултети се утврдени со законот за високо образование и наука, од 20 јули 2018 година, а во случај на приватни факултети, тие произлегуваат од внатрешните прописи на овие факултети.
Студентите примени на студии склучуваат договори со факултети, чии одредби содржат детални услови поврзани со процесот на прием на факултет, текот на студиите, вклучително одредбите во врска со висината на надоместоците, како и правилата за враќање на платениот надоместок. Кандидатите за студии треба детално да ги проучат овие документи, особено одредбите за правилата за враќање на платената школарина.
Прашањата кои се однесуваат на враќањето на школарината се решаваат директно помеѓу студентите и факултетите. Министерството за надворешни работи на Република Полска, Амбасадите на РП, како и Конзулатите на РП не посредуваат во контактите помеѓу студентот и факултетот, ниту имаат правни алатки кои овозможуваат поврат на платената школарина на странецот на кој не му е одобрена студентска виза.
Доколку факултетот не ги почитува одредбите од договорот склучен со студентот, особено, кога не ја враќа школарината во случај предвиден со договорот, побарањата во врска со школарините можат да се бараат само во граѓанска постапка.