Полска во Северна Македонија

На 16.04.2025 година, во седиштето на Собранието на Република Северна Македонија беше организиран состанок на Ополномошениот Министер Мариуш Бримора со пратеничката група за пријателство со Полска. Членови на групата во тековниот мандат се: Даниела Николова (претседавач), Оливер Спасовски, Весна Бендевска, Илир Демири, Жан Дрвошанов, Жаклина Пешевска, Драгана Бојковска и Марија Петрушевска.

Претседателката на групата го истакнала високото ниво на билатералните односи и изразила благодарност за сè што Полска направила досега за Македонците, почнувајќи од грижата за македонските деца депортирани во Полска за време на граѓанската војна во Грција, помошта по земјотресот во Скопје во 1963 година, потоа признавањето на уставното име на државата, помошта во бегалската криза во 2015 година и за медицинската помош во врска со трагедијата во Кочани годинава. Таа истакна дека ова е најдобар пример за европската солидарност.

Министерот М. Бримора ги поздрави зборовите на Д. Николова, истакнувајќи го блиското пријателство меѓу двете земји и народи. Тој, исто така, се осврна на тековното полско претседателство со Советот на ЕУ, за кое процесот на проширување на ЕУ е еден од приоритетите.

За време на состанокот бил дискутиран и планот за посетата на претседателот на македонското Собрание во Полска, заедно со придружната група за пријателство.