“Qılınc üçün doğulanlar” filminin Azərbaycanda nümayişi
14.06.2021
Sizləri 14-29 iyun tarixlərində Azərbaycanda onlayn formatda keçiriləcək Avropa film festivalı çərçivəsində “Qılınc üçün doğulanlar” filminin nümayişinə dəvət edirik.
"Qılınc üçün doğulanlar" - XVII əsr Polşasında cərəyan edən, gənc bir zadəgan və cəngavər Blajey Vronovskinin hekayəsindən bəhs edən sənədli bir filmdir.
Moskva müharibəsi veteranı Yan Yerliç, keçmiş silahdaşı Yejı Vronovskinin təkidi ilə oğlu Blajeyin hərbi təhsilinə başlamaq üçün Vətəninə qayıdır. Bu keçmiş Reçpospolitada (Polşa-Litva Birliyində) böyüyən gənc bir zadəgan və cəngavərin gözü ilə şərəf, cəsarət və müharibə haqqında bədii hekayədir.
Filmin sənədli hissəsi bu günədək dünyanın ən yaxşı soyuq silahı sayılan və yüksək peşəkarlıq sirrlərinə bürünmüş Polyak qılınc düzəltmə sənətkarlığına və tarixinə kinomatoqraf yanaşması ilə bir səyahətdir. Filmdə dünya səviyyəli mütəxəssislər misilsiz Polşa qılınc yaratma və döyüşdürmə sənətini nümayiş etdirirlər.
Rejissor: Pavel Delonq
İstehsal: Polşa Kros-Art Assosasiyası, Leydo Film (2019)
Film festivalın onlayn platformasındakı keçid üzərindən ödənişsiz nümayişdə olacaqdır (bu il iyunun 14-dən 29-dək):
https://www.festivalscope.com/page/euff-azerbaijan/
Filmin keçidi:
https://www.festivalscope.com/film/born-for-the-saber/
Filmin nümayişi ingilis və rus dillərində alt yazılı olmaqla polyakcadır.
Filmə tamaşa etmək üçün Festivalın platformasında yuxarıda göstərilən keçid vasitəsi ilə qeydiyyatdan keçmək və nümayişə pulsuz bilet rezerv etmək gərəkdir (Biletlərin sayı məhduddur).
Filmin treylerinə aşağıda baxmaq olar.