Польшча ў Беларусі

Нацыянальнае агенцтва акадэмічнага абмену сумесна з Канферэнцыяй рэктараў польскіх ВНУ па даручэнні Міністэрства навукі і вышэйшай адукацыі рэалізуе тры ініцыятывы па падтрымцы беларусаў: „Салідарныя са студэнтамі”, „ Салідарныя з вучонымі” і „ Салідарныя з настаўнікамі”.

У сувязі з цяперашняй сітуацыяй у Беларусі і прагназаваным павелічэннем колькасці рэпрэсаваных асоб, якія згодна са статутам з’яўляюцца адрасатамі Стыпендыяльнай праграмы Урада Рэспублікі Польшча імя Кастуся Каліноўскага, дырэктар праграмы па ўзгадненні з дзяржаўнымі і ўніверсітэцкімі ўладамі прыняў рашэнне аб правядзенні дадатковага набору.