Сэрвіс для грамадзян Беларусі

Згодна з законам ад 1 сакавіка 2018 г. аб супрацьдзеянні адмыванню грошай і фінансаванню тэрарызму (так званы закон Anti-Money Laundering), банкі ў Польшчы абавязаны прымяняць сродкі фінансавай бяспекі пры ўстанаўленні адносін з кліентам. Гэта ўключае ў сябе ідэнтыфікацыю і верыфікацыю асобы кліента, ацэнку мэты гаспадарчых адносін, а таксама аналіз рызыкі.

У выпадку грамадзян Беларусі банк патрабуе прад'явіць дакументы, якія пацвярджаюць:

• асобу,
• легальнасць знаходжання,
• крыніцу паходжання сродкаў,
• месца жыхарства.
   

Увага: Спіс дакументаў, якія патрабуюцца, можа адрознівацца ў залежнасці ад банка. Не кожны банк патрабуе прад'яўлення ўсіх ніжэйпералічаных дакументаў – гэты пералік мае прыкладны характар. Рэкамендуем праверыць падрабязныя патрабаванні непасрэдна ў выбраным банку або на яго інтэрнэт-старонцы.

 

Дакумент, які сведчыць асобу

• Пашпарт (калі банк мае ўзоры дакумента)
• Пасведчанне асобы з краіны паходжання (калі банк мае ўзоры)
• Карта побыту, выдадзеная ў Польшчы
• Часовае пасведчанне асобы замежніка

 

Дакумент, які пацвярджае легальнае знаходжанне

• Карта побыту
• Рашэнне ваяводы аб прадастаўленні дазволу на знаходжанне
• Штамп ваяводы, які пацвярджае падачу заявы
• Часовае пасведчанне асобы замежніка
• Дакумент, які пацвярджае легальнае знаходжанне ў іншай краіне ЕС/ЕЭЗ/Швейцарыі

 

Дакумент, які пацвярджае крыніцу сродкаў (адкрыты пералік)

• Працоўная дамова, дамова даручэння, дамова падраду, кантракт
• PIT/CIT, даведка з ZUS/KRUS
• Даведка аб стыпендыі
• Рашэнне аб прызначэнні дапамогі 800+
• Выпіска з CEIDG, статут таварыства, выпіска з KRS
   

Дакумент, які пацвярджае месца жыхарства (адкрыты пералік)

• Даведка аб рэгістрацыі
• Дамова арэнды або бязвыплатнага карыстання памяшканнем
• Падатковая дэкларацыя (напр., PIT)
• Даведка з падатковага ўпраўлення (CFR-1)
• Акт уласнасці на памяшканне
• Даведка аб прадастаўленні жылля ад працадаўцы/ВНУ
• Дакумент, які пацвярджае знаходжанне ў цэнтры для бежанцаў
   

 

Фінансавыя ўстановы ацэньваюць рызыку, звязаную з адмываннем грошай і фінансаваннем тэрарызму. Пад увагу бяруцца, між іншым, грамадзянства, краіна паходжання сродкаў, спосаб карыстання рахункам, фінансавыя прадукты, а таксама геаграфічныя сувязі. У выпадку грамадзян Беларусі банк можа запатрабаваць дадатковыя дакументы, асабліва калі дакументы, якія сведчаць асобу, цяжка верыфікаваць або легальнасць знаходжання не пацверджана належным чынам дакументальна.

На практыцы фінансавыя ўстановы часта патрабуюць, каб дакументы на знаходжанне былі сапраўднымі не менш за 12 месяцаў з даты адкрыцця рахунку. У выпадку адсутнасці карты побыту можа спатрэбіцца прад'яўленне замежнага пашпарта і дакумента, які пацвярджае абгрунтаванасць адносін з банкам.
 

Згодна з арт. 41 закона AML, калі ўстанова не можа прымяніць сродкі фінансавай бяспекі, яна абавязана:

• адмовіць ва ўстанаўленні гаспадарчых адносін,
• адмовіць у правядзенні транзакцыі,
• закрыць рахунак (спыніць адносіны).