Սլովենիա - արտոնագրային ներկայացչություն (A և C տեսակի մուտքի արտոնագրեր)
Ըստ արտոնագրային ներկայացուցչության վերաբերյալ՝ Լեհաստանի և Սլովենիայի միջև կնքված միջազգային համաձայնագրի՝ Երևանում ԼՀ հյուպատոսը Հայաստանի Հանրապետության տարածքում ներկայացնում է Սլովենիայի Հանրապետությունը արտոնագրային դիմում-հայտերի ուսումնասիրության և C (միասնական Շենգենյան վիզա) և A տեսակի (օդային տարանցիկ վիզա) մուտքի արտոնագրերի տրամադրման ոլորտում։
Որպես կանոն, դեպի Սլովենիա C և A տեսակի մուտքի արտոնագրերի համար արտոնագրային դիմում-հայտերի ներկայացման և ուսումնասիրության ընթացակարգը համընկնում է դեպի Լեհաստան C և A տեսակի մուտքի արտոնագրերի համար արտոնագրային դիմումների ընթացակարգին՝ հետևյալ տարբերությամբ՝
- արտոնագրային դիմում-հայտին կից ներկայացվող հրավերը՝ երաշխավորական նամակը (garantno pismo), որը տրամադրվում է հրավիրող ֆիզիկական կամ իրավաբանական անձի կողմից, պետք է հաստատված լինի սլովենական նոտարի, Սլովենիայի Հանրապետության արտաքին գործերի նախարարության կամ Սլովենիայի պետական վարչական մարմինների կողմից։ Բացառություն են կազմում այն դեպքերը, երբ հրավիրող կողմ է հանդիսանում Սլովենիայի հասարակական հաստատություն կամ բուհ։
Իրավական հիմքեր
Եվրոպական խորհրդարանի և Խորհրդի` 2009 թ. հուլիսի 13-ի № 810/2009 կանոնակարգ, որը սահմանում է Միասնական արտոնագրային օրենսգիրքը (2009 թ. սեպտեմբերի 15-ի ԵՄ օրենքների ժողովածու, L 243 , էջ 1-58` հետագա փոփոխություններով)
Լեհաստանի Հանրապետության և Սլովենիայի Հանրապետության արտաքին գործերի նախարարությունների միջև 2008 թ. մարտի 14-ին կնքված համաձայնագիր մուտքի արտոնագրերի տրամադրման ոլորտում համագործակցության վերաբերյալ (M.P. 2008 թ. Nr 63, կետ. 550)