In order to ensure the highest quality of our services, we use small files called cookies. When using our website, the cookie files are downloaded onto your device. You can change the settings of your browser at any time. In addition, your use of our website is tantamount to your consent to the processing of your personal data provided by electronic means.
Back

Հայաստան

Լեհաստանի և Հայաստանի միջև դիվանագիտական հարաբերությունները հաստատվել են 1992 թվականին փետրվարի 26-ին

Քաղաքական համագործակցություն

Քաղաքական համագործակցություն Լեհաստանի Երրորդ Հանրապետության ընթացքում

Լեհաստանը դիվանագիտական հարաբերություններ է հաստատել Հայաստանի Հանրապետության հետ 1992թ-ի փետրվարի 26-ին, այդուհանդերձ պաշտոնական գործընթացն ավարտվել է 1992թ-ի նոյեմբերին: Վարշավայում Հայաստանի Հանրապետության դեսպանությունը բացվել է 1998թ-ի ապրիլի 6-ին, իսկ Երևանում Լեհաստանի Հանրապետության դեսպանությունը`2000թ-ի փետրվարի 28-ին:

Բարձրաստիճան մակարդակում առաջին այցը Հայաստան տեղի է ունեցել 2001թ-ի նոյեմբերին. Այդ ժամանակ Հայաստան է ժամանել Լեհաստանի Հանրապետության նախագահ Ալեքսանդր Քվաշնևսկին, ով հանդիպում է ունեցել Հայաստանի Հանրապետության նախագահ Ռոբերտ Քոչարյանի հետ: Հերթական տարիներին քաղաքական ոլորտում հարաբերություններն ավելի են ամրապնվել:

Տնտեսական համագործակցություն

Հայաստանի Հանրապետության գլխավոր առևտրային գործընկերը Ռուսաստանի Դաշնությունն է: Հայաստանի և Ռուսաստանի միջև առևտրի շրջանառությունը 2018թ-ին կազմել է 1,92 մլդ ԱՄՆ դոլար` Հայաստանի առևտրային ընդհանուր շրջանառության 26,1%-ը, իսկ Եվրամիության անդամ-պետությունների հետ` 1,83 մլդ ԱՄՆ դոլար, որն էլ հանդիսանում է Հայաստանի Հայաստանի շրջանառության 24.8%:  Հայաստանի համար որպես գլխավոր առևտրային գործընկերներ Եվրամիության անդամ-պետություններից հանդիսանում է Գերմանիան, Բուլղարիան, Իտալիան, Հոլանդիան և Բելգիան (զանազան աղբյուրներում կարելի է գտնել տեղեկություններ, որ Հայաստանի գլխավոր գործընկերը ԵՄ-ն է, սակայն ցուցանիշները հակասում են դրան): 2018թ-ին Լեհաստանը`որպես առևտրային գործընկեր, զբաղեցրել է 25-րդ հորիզոնականը: Հայաստանի և Լեհաստանի միջև առևտրային շրջանառությունը կազմում է Հայաստանի ընդհանուր շրջանառության միայն 0.71%: Երկու երկրների միջև տնտեսական համագործակցությունը համեմատաբար փոքր է. շրջանառությունն ամեն տարի կազմում է մի քանի տասնյակ միլիոն դոլար, ընդ որում ՝ Հայաստանը գրանցել է փոխադարձ առևտրի բացասական հաշվեկշիռ: 2014թ-ից ի վեր Հայաստանում լեհական միակ ներդրումը «Լուբավա-Արմենիա» ռազմատեխնիկա արտադրող ընկերությունն է: 2017թ-ի դեկտեմբերի 14-ին «Լյուբավա-Արմենիա» ընկերության և ՀՀ Պաշտպանության նախարարության միջև հատուկ սարքավորումներ մատակարարելու մասին նոր համաձայնագիր է կնքվել, որն ավարտվելու է`2019թ-ի առաջին եռամսյակում:

Մշակութային համագործակցություն

Մշակութային համագործակցությունն առաջին հերթին Հայաստանում լեհական արդի արվեստի և գրականության մասին տեղեկությունների տարածումն է, որն իրականացնում է ինչպես Երևանում Լեհաստանի դեսպանությունն, այնպես էլ «Պոլոնիա» Հայաստանում լեհերի միությունը: Երկրում գործող թատրոնների, պատկերասրահների և հրատարակչությունների հետ համագործակցությունը ծառայում է լեհական մշակույթի, սովորույթների և ավանդույթների վերաբերյալ գիտելիքների ձևավորմանն ու տարածմանը: Տարածաշրջանի ամենակարևոր և ամենատարածված փառատոների կողմից կազմակերպված միջոցառումները մեծ նշանակություն ունեն լեհական մշակույթի առաջխաղացման գործում. մանատիպ խոշոր նախաձեռնություններից են «Ոսկե ծիրան» միջազգային կինոփառատոնը, «Արմմոնո» մոնոներկայացումների միջազգային փառատոնը, «ՌեԱնիմանիա» անիմացիոն ֆիլմերի միջազգային փառատոնը: Նշյալ նախաձեռնությունները գրավում են հանդիսատեսի մեծ լսարան` ծանոթացնելով հայ և միջազգային հանրությանը լեհական կինեմատոգրաֆիայի և վիզուալ արվեստի ամենահետաքրքիր ժառանգության հետ: Հարկ է նաև շեշտել, որ 2018թ-ից Երևանում Լեհաստանի դեսպանությունը հանդիսանում է ՅՈՒՆԻՔ` Եվրոպական միության ազգային մշակութային կազմակերպությունների գլոբալ ցանցի հայաստանյան կլաստրի անդամ:

Հղումներ
EUNIC Armenia

Գիտական համագործակցություն

Լեհաստանի և Հայաստանի գիտական ​​համագործակցության ոլորտում պետք է շեշտել, որ 2011 թ-ից ի վեր գործում է Լեհաստանի Հանրապետության կառավարության և Հայաստանի Հանրապետության կառավարության միջև մշակույթի, գիտության և կրթության բնագավառներում համագործակցության կատարողական ծրագիրը: Օտարերկրյա ուսանողները կարող են մասնակցել բակալավրի, մագիստրատուրայի և ասպիրանտուրայի գիտական աստիճաններում գործող կրթական փոխանակումների ծրագրերին: Հայաստանի համար կարևոր ձեռքբերում է նաև ERASMUS+ ծրագրի անդամ լինելը: Շնորհիվ փոխանակման ծրագրերի հայ ուսանողները հնարավորություն են ստանում բարելավելու իրենց հաղորդակցական, լեզվի և միջմշակութային շփումների հմտությունները: Դեսպանությունը հետամուտ է լինում նաև խորացնելու համագործակցությունը Ակադեմիական փոխանակման ազգային գործակալության (NAWA) հետ ` հայ ուսանողներին ներկայացնելով Լեհաստանում գործող կրթաթոշակային ծրագրեր: Կրթաթոշակային և փոխանակման ծրագրերի վերաբերյալ տեղեկությունները հանրությանն են ներկայացվում և տարածվում սոցիալական ցանցերի, դեսպանության պաշտոնական կայքէջի միջոցով, ինչպես նաև տեղական կրթական հաստատությունների հետ համագործակցության շնորհիվ: Հարկ է նշել, որ գիտական ​​համագործակցությունը առավել զարգանում է հնագիտության ոլորտում. այս ոլորտում հատկանշական է 2014թ-ից Վարշավայի համալսարանի Միջերկրածովյան հնագիտության կենտրոնի և Հայաստանի «Պատմամշակութային արգելոց-թանգարանների պահպանության ծառայություն» ՊՈԱԿ-ի միջև ձևավորված գործակցության հեռանկարները: Վարշավայում ստորագրվել է 2018-2022 թթ. գործակցության համաձայնագիր, որը նախատեսում է գիտահետազոտական ու գիտագործնական աշխատանքներ Մեծամոր հնավայրի տարածքում, հնագիտական նյութերի քիմիական և ռադիոածխածնային անալիզների իրականացում արտերկրում, երիտասարդ կադրերի փոխանակում, որակավորում, համատեղ հրատարակությունների, գիտակրթական ծրագրերի իրականացում:                                                              

 

Միջազգային պայմանագրերով կարգավորված Լեհաստանի Հանրապետությունը ճանաչում է Հայաստանի Հանրապետության կրթական մարմինների կողմից տրված փաստաթղթերը: Հայաստանի Հանրապետությունում ձեռքբերված վկայականների, դիպլոմների, գիտական աստիճանների և կոչումների ճանաչման համար իրավական հիմք է հանդիսանում 2004թ-ի օգոստոսի 6-ին սահմաված, այսպես կոչված, 1972թ-ի Պրահայի կոնվենցիան: Բոլոր փաստաթղթերը, որոնք տրվել են սույն կոնվենցիայի գործելու ժամանակաշրջանում և բավարարում են նրանում սահմանված պայմանները, ճանաչվում են որպես հավասարազոր լեհական փաստաթղթին: Կոնվենցիայի շրջանակներում տրված դիպլոմների ճանաչման համար անհրաժեշտ է դիմել Գիտական փոխանակման ազգային գործակալություն (NAWA): 2004թ-ի օգոստոսի 6-ից հետո Հայաստանի Հանրապետությունում տրված դիպլոմների և գիտական աստիճանների, ինչպես նաև նշյալ տարեթվից առաջ տրված բժիշկների, ատամնաբույժերի, դեղագործերի, բուժքույրերի, մանկաբարձուների, անասնաբույժերի և ճարտարապետների դիպլոմների ճանաճումը հնարաոր է միայն նոստրիֆիկացիա կատարելուց հետո:

Գիտական աստիճանների և որակավորումների ճանաչում

NAWA
Go Poland

{"register":{"columns":[]}}